ಸುರಿಸು ಬಾ ಒಲವ ಮಳೆಯ
ಸೊರಗಿದೆ ಕೊರಗಿದೆ ನೀನಿಲ್ಲದೇ
ನೀ ಬಿತ್ತಿ ಹೋದ ಪ್ರೀತಿಯ ಬಳ್ಳಿ
ಕಾದಿದೆ ಮರಳಿ ಬಾ ಮಳೆಯೊಂದಿಗೆ ...

ಹೃದಯದ ಅಂಗಳದಲಿ
ಪ್ರೀತಿಯ ಚಿತ್ತಾರವ ಬಿಡಿಸಿ
ನಿನ್ನ ನೆನಪೊಂದ ಕಾವಲಿಗೆ ಬಿಟ್ಟು
ಕಾರಣವ ತಿಳಿಸದೆ ಕಣ್ಮರೆಯಾದೆ ...

ಭಾವನೆಗಳೆಲ್ಲ ಬತ್ತಿ
ನನ್ನ ಹೃದಯವೀಗ ಮರಭೂಮಿ
ಸಿಗದ ಪ್ರೀತಿಯ ಸೆಳೆತವೇ
ಒಲವಿನ ಒರತೆ ಹುಡುಕಲೆಲ್ಲಿ...

ನೆನಪೊಂದಿಗೆ ಸೆಣಸಾಡಿ
ಸೋತಿದೆ ಮನಸು
ನನಸಾಗದ ಕನಸಿಗೆ
ಒಲಿಸಿಕೊಳ್ಳುವ ಬಯಕೆ ...

ಕಾಡಿದ ಕನಸೊಂದಿಗೆ
ಕೂಡಿ ನೆನೆಯುವ ಆಸೆ
ಕಾದಿಹೆನು ಗೆಳತಿ ಮರಳಿ ಬಾ
ಒಲವ ಮಳೆಯೊಂದಿಗೆ ...!!

ರಾಜ್ ..!