ನೀ ತೊರೆದ ಘಳಿಗೆಯಲಿ
ಮತ್ತೆ ಬಂದಿದೆ ಹೋಳಿ
ಬಣ್ಣ ತುಂಬುವರಾರು
ಕಪ್ಪು-ಬಿಳುಪಿನ ಬದುಕಿನಲಿ...

ಕಾಮನ ಬಿಲ್ಲಿಗೂ ಮೀರಿದ ರಂಗು
ನೀ ಜೊತೆಯಿದ್ದ ಪ್ರತಿಘಳಿಗೆ
ನಿನ್ನಿರುವಿಕೆ ಭಾವ ಮನಕೆ
ಹುಚ್ಚು ಪ್ರೇಮದ ಭ್ರಮೆಯೊಳಗೆ...

ಓಕುಳಿಯಾಟದ ಸಂಭ್ರಮವು
ತುಂಬಿ ತುಳುಕಿದೆ ಎಲ್ಲೆಡೆ
ನಗುತಿವೆ ನೂರಾರು ಮನಗಳು
ಗೆದ್ದ ಕನಸಿನ ಖುಷಿಯೊಳಗೆ...

ವಿರಹ ಸಂಕೋಲೆ ಕಡಿದು
ಹೊರ ಬರಲು ಕಾತುರ
ಮುನಿಸು ಮರೆಸುವುದೇ ಮನಸು
ನೆನಪು ಸೇರುವ ಆತುರ...

ಕೈಬೀಸಿ ಕರೆಯುತಿವೆ ಬಣ್ಣಗಳು
ಒಲವ ಓಕುಳಿಯಾಡಲು
ಬಾ ಒಲವೇ ಜೊತೆಯಾಗು
ಬಣ್ಣದಲಿ ಹೊಸ ಬದುಕು ಕಟ್ಟುವ..!!

$~ರಾಜ್~$