ತಾಯಿಯ ರೂಪದಲಿ
ದೇವರ ಪ್ರತಿರೂಪ
ಸೋದರಿಯು ಜೊತೆಗಿರೆ
ವಾತ್ಸಲ್ಯದ ಆಲಾಪ...

ಮಗಳಾಗಿ ನೀನಿರಲು
ತಾಯಿಯ ತದ್ರೂಪ
ಗೆಳತಿಯಾಗಿ ಬದುಕಿನಲಿ
ಸಾಂತ್ವನದ ಸಂತಾಪ...

ಒಲವಿನ ಮಡದಿಯಾಗಿ
ಮನೆಬೆಳಗೊ ನಂದಾದೀಪ
ಭೂ ತಾಯಿ ಹೆಣ್ಣಾಗಿ
ನಮ್ಮ ಕಾಯುವ ದೈವ...

ಓ ಹೆಣ್ಣೆ ನೀನಿರುವಲ್ಲಿ
ದೇವತೆಗಳ ವಾಸ
ಬಗೆಬಗೆಯ ರೂಪದಲಿ
ನಿನ್ನ ಕಾಯಕವೆ ಕೈಲಾಸ...

ಪ್ರತಿಫಲ ಬಯಸದೆ
ಪರಿಶ್ರಮದ ದುಡಿಮೆ
ಮಹಿಳೆಯೆ ನಿನಗೊಲಿದ
ಬಹುದೊಡ್ಡ ಹಿರಿಮೆ...!!!

( ಮಾರ್ಚ-8 : " ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆ" ಪ್ರಯುಕ್ತ ಸಣ್ಣದೊಂದು ಪ್ರಯತ್ನ )

[ ಮಹಿಳಾ ದಿನಾಚರಣೆಯ ಶುಭಾಶಯಗಳು ]

ರಾಜ್..!!