ಚಂದಿರ ಲೋಕಕೆ ಹೋಗುವ ಬಾರೆ
ಚುಕ್ಕಿಗಳ ಜೋತೆ ಆಡುವ ಬಾರೆ
ಅಂದದ ಹುಡುಗಿ ಜೋತೆ ನೀನಿರಲು
ಚಂದಿರನಿಂದ ಕರೆ ಬಂದಿರಲು

ಸುಂದರ ಬಾನಲಿ ಹುಣ್ಣಿಮೆ ಬೆಳಕಲಿ
ಸವಿ ಮಾತುಗಳನ್ನಾಡುವ ಬಾರೆ
ಬೆಳಗಿನ ರವಿ ತಾ ಮೂಡುವವರೆಗೂ
ಚಂದ್ರನ ಮಡಿಲಲಿ ಮಲಗುವ ಬಾರೆ

ನೇಸರನರಮನೆಗೆ ಹೋಗುವ ಬಾರೆ
ಕಾಮನ ಬಿಲ್ಲನು ನೋಡುವ ಬಾರೆ
ಕಾಮನ ಬಿಲ್ಲಿನ ಬಣ್ಣಗಳ ಜೋತೆ
ಓಕುಳಿಯಾಟವ ಆಡುವ ಬಾರೆ

ಆಗಸಕೇಣಿ ಹಾಕುವೆ ನಾನು
ನಿನ್ನಯ ದಾರಿ ಕಾಯುವೆನು
ಚಂದಿರ ಲೋಕಕೆ ಹೋಗುವ ಬಾರೆ
ಚಂದದ ಹುಡುಗಿ ನೀ ಜೋತೆ ಬಾರೆ…!!!