ನಿನ್ನ ನೋಡುವ ಹಂಬಲ
ಈ ಹುಂಬ ಮನಸ್ಸಿಗೆ
ಜೊತೆ ಮಾತನಾಡುವ ಬಯಕೆ
ನನ್ನಿ ಮೌನ ಹೃದಯಕೆ....
ಮೊದಲ ಭೇಟಿಯ ಕುಡಿನೋಟದಲಿ
ನಯನಗಳ ಮೌನ ಸಂಭಾಷಣೆ
ಮನಸುಗಳ ಸವಿ ಮಿಲನದಲಿ
ಹೃದಯಗಳ ಸಂಭ್ರಮಾಚರಣೆ...
ನಿನ್ನ ನಗುವಿಗೆ ಮನ ಸೋತಿರುವೆ
ಮನಸಲಿ ನಿನೇ ನೆಲೆಸಿರುವೆ
ಬದುಕಲಿ ನಿನ್ನನೆ ಬಯಸಿರುವೆ
ಭರವಸೆಯಲ್ಲೆ ಬದುಕಿರುವೆ...
ನಿತ್ಯವು ಪ್ರೀತಿಯ ಕನವರಿಕೆ
ಹೃದಯದಿ ಏನೊ ಚಡಪಡಿಕೆ
ಒಪ್ಪಿಕೊ ಗೆಳೆಯನೆ ಕೋರಿಕೆ
ಕಾದಿಹೆ ನಿನ್ನಯ ಉತ್ತರಕೆ...!!!
$~ ರಾಜ್ ಪಾಟೀಲ್ ~$
No comments:
Post a Comment