" ಮನಸಿದೊ ಮೋಹದ ಕುದುರೆ"

ಮನಸೆಂಬ ಮೋಹದ ಕುದುರೆ
ಪ್ರೀತಿ ಪ್ರೇಮದ ಮದಿರೆಯ ನಶೆಯಲಿ
ಹಗಲಿರುಳೆನ್ನದೆ ಲಗಾಮು ಇಲ್ಲದೆ
ಓಡುತಿದೆ ಮನ ಓಡುತಿದೆ ....

ಕನಸಿನ ಅರಮನೆ ಹುಡುಕುತ ಹೊರಟಿದೆ
ನೆನಪಿನಂಗಳ ದಾಟಿ ಬಂದಿದೆ
ಸಂತಸವಿನ್ನು ಮರಿಚಿಕೆಯಾಗಿದೆ
ಬೇವಿನ ಕಹಿಯೆ ಬೇರು ಬಿಟ್ಟಿದೆ ....

ನಲ್ಮೆಯ ಸಂಚಿನ ಆಳವನರಿಯದೆ
ನಲಿವಿನ ನೆಲೆಯು ಕಾಣದೆ ಹೋಗಿದೆ
ನೋವಿನ ಅಲೆಗಳ ಹೊಡೆತಕೆ ಸಿಲುಕಿ
ಚಂಚಲ ಮನಸಿದು ಕಳವಳಗೊಂಡಿದೆ ....

ಅಶ್ವಮೇಧದ ಕುದುರೆಯಂತೆ
ಶರ ವೇಗದಲಿ ಬಲು ದೂರದಲಿ
ಅಂಕೆಗೆ ಸಿಗದೆ ಓಡುತಿದೆ
ದಾರಿಯ ಕಾಣದೆ ಅಲೆಯುತಿದೆ ....

ಮನಸಿದೊ ಮೋಹದ ಕುದುರೆ
ಮಾನಿನಿ ಬೀಸಿದ ಒಲವಿನ ಬಲೆಯಲಿ
ಸಿಲುಕಿ ಬಿದ್ದಿದೆ ಲಗಾಮು ತಪ್ಪಿದೆ
ಓಡುತಿದೆ ಮನ ಓಡುತಿದೆ ...!!!

$~ ರಾಜ್ ಪಾಟೀಲ್ ~$