ಹೇಗೆ ಮರೆಯಲಿ ನಿನ್ಮ ನೆನಪು
ಮೊದಲ ಬಾರಿ ನಿನ್ಮ ನೊಡಿದ ನೆನಪು
ಆಡಿದ ಸವಿ ಮಾತಿನ ನೆನಪು
ಏಕಾಂತದಿ ಮೂಡಿದ ಮೌನದ ನೆನಪು...
ಹಾರುವ ಮುಂಗುರುಳ ಮೋಹಕ ನೆನಪು
ಸೆಳೆವ ಮುಗುಳು ನಗೆಯ ಮಾದಕ ನೆನಪು
ಕನಸಲು ಕೂಡಾ ಕಾಡುವ ನೆನಪು
ನನಸಾಗದೆ ಹೋದ ಕನಸಿನ ನೆನಪು...
ತಿರುಗಾಡಿದ ಹೆಜ್ಜೆ ಗುರುತಿನ ನೆನಪು
ಕಾಡುವ ಕಾಲ್ಗೆಜ್ಜೆಯ ಸದ್ದಿನ ನೆನಪು
ನೀ ಕೇಳಿದ ಉಡುಗೊರೆಯ ನೆನಪು
ನಿನಗಾಗಿ ಕೊಟ್ಟ ಗುಲಾಬಿ ನೆನಪು...
ಜೊತೆ ಕಳೆದ ಕ್ಷಣಗಳ ಸಿಹಿ ಸಿಹಿ ನೆನಪು
ಮುನಿಸಿಕೊಂಡ ಆ ದಿನಗಳ ನೆನಪು
ಸ್ನೇಹದಿ ಮೂಡಿದ ಪ್ರೀತಿಯ ನೆನಪು
ನಿನೊಪ್ಪದೆ ನೀಡಿದ ನೋವಿನ ನೆನಪು...
ಹೇಳದೆ ಹೊದ ಆ ಕಹಿ ನೆನಪು
ಹೃದಯಕೆ ಮಾಡಿದ ಗಾಯದ ನೆನಪು
ಮರೆತಾಗ ನಾ ಉಸಿರಾಡುವುದನ್ನು
ಆಗ ಮರೆಯುವೆ ನಿನ್ನಯ ನೆನಪನ್ನು..!!
@ ರಾಜ್ ಪಾಟೀಲ್ @
No comments:
Post a Comment