"ಕನಸು ನೆನಪು"

ಕಣ್ಣಲ್ಲಿ ನೂರಾರು ಕನಸು
ಮನದಲ್ಲಿ ಬರಿ ನಿನ್ನ ನೆನಪು
ಕನಸು ಹಿತವಾಗಿದೆ
ನೆನಪು ಕನಸಾಗಿದೆ

ನಿನ್ನ ಮುಗುಳುನಗೆ
ಹಾರುವ ಮುಂಗುರುಳು
ಕಾಡುತಿದೆ ನನ್ನ
ಬೆಂಬಿಡದೆ ಹಗಲಿರುಳು

ಕಣ್ಣುಗಳ ಆ ಸಲುಗೆ
ಹೃದಯಗಳ ಬೆಸುಗೆ
ಪ್ರೀತಿಯ ಖುಷಿ ಪ್ರೇಮದ ಗುಂಗಲ್ಲಿ
ಮನದ ಮೌನದಿ ಮೆರವಣಿಗೆ

ಆದರೂ ಕೊನೆಗೆ ತೀರದ ಬಯಕೆ
ಮೌನವ ಸಹಿಸದೆ ಮನಸಿನ ಬೇಡಿಕೆ
ಸವಿ ನುಡಿ ಕೇಳಳು ನೀಡಿದೆ ಕೋರಿಕೆ
ಮಾತಲ್ಲೆ ನೀಡು ಪ್ರೇಮದ ಕಾಣಿಕೆ

ಬರಿ ನಿನ್ನ ನೆನಪು
ಬರಿ ನಿನ್ನ ಕನಸು
ನೆನಪಿಗೆ ಕನಸು ಆಧಾರ
ಕನಸಿನ ನೆನಪು ಸುಮಧುರ....!!!!!

$~ರಾಜ್ ಪಾಟೀಲ್~$